今晚另一重点热身赛，德国主场硬撼以色列。德国主力阵容根本已定晒，主帅费历克今次首要考察新人及边缘人，佢哋战意毋须怀疑，以色列防卫不稳，德国挟连胜之势可予取予携，直取让球主胜。

（有线662及602台周日清晨3时45分直播）

德国喺费历克上任後，7战赢晒轻松取得世盃入场券，而佢嘅正选腹稿应已心中有数，今次最大意外嘅，系竟然冇召入多蒙特球员。除咗缅恩斯中场安东史达治首度当选外，达斯拿、罗宾高治、祖利安韦高及轩历治斯取得重召，既因文章来历华体网有哥列斯卡等人受伤，亦有费历克对右闸、防中、中坚等单个方位嘅正选或後备唔太满意，期望透过国际赛找到适宜人选，其中凭住喺宾菲加在欧联16强淘汰阿积士嘅精彩演出，祖利安韦高事隔5年再获徵召，梗系要踢争气波。

以色列防卫劲曳等劏

以色列无缘进身世盃决赛周，主因系防卫太差，10仗世盃外狂失21粒，单计近6仗场场有失波，今次连射手艾兰沙维都冇当选，实力再打扣头。德国近期几乎场场大胜，明显喺费帅麾下信心爆棚，以具侵略性嘅逼抢不断进攻，单计近3仗赢晒狂入17球，遇上犹如不设防嘅以色列，随时再演大屠杀，让球主胜让二球一样值得助威。