讲世界盃，点可以不提集图册？Nelson与很多同道中人一样由1986年储起，珍藏不少，说成集图痴汉之一，并不为过，可知他最珍惜哪几张？
说起世界盃即时联想到阿叔林尚义（本港已故着名评述员）的nelson，由1986年开始睇世界盃，并於那一年开始储panini集图册，但真正对赛事印象深刻是1990年，换句话说，是未爱睇波，先沉迷集图。
「细个每日得两蚊零用钱，只可以买一包，依家啲贴纸一出，一开始就买三、四盒，以前唔齐嗰啲，要寄邮票当钱去代理换，依家系直接去代理书报社嗰度买，因为有折仲，可以大量入货。记得1986年系两蚊包要储160张，今年系8蚊包要储638张，大约花1200蚊。」nelson道出集图古今的不同。
被问到边一届或者边一张贴纸最珍贵时，他谓：「其实有好多，仲keep得好嘅得2006年、上届同今届。」他指出最珍惜是当今绝代双骄美斯与基斯坦奴朗拿度2006年及今届的4张，新旧对照，相信分别是「美c」首次，以及最後一次出战决赛周，见证两位球王不同阶段（见图）。他还有大量重覆的旧贴纸尚末「开封」，认为未贴就为之珍贵。
说回世界盃，nelson最难忘是1994年决赛，意大利球星巴治奥射失12码的一幕。现於机场任职的他，最难忘睇波场景是曾在机场禁区出面7楼，与几十人一起围住部细电视观战。至於对世界盃的一世回忆，是1990年与小学同学用麻雀枱做球场，用硬卡纸摺成球员同足球的拍纸仔游戏，所以被问到今届最想与谁人一起睇波时，他二话不说：「梗系想同番以前嗰两位小学同学一齐睇啦！」
至於今届睇好支持边一队？「赢到钱嗰队（讲笑）。其实有好多队都有机会，要睇最後边个主力唔出得，讲咗我会唔会变咗球王比利嘅乌鸦口？睇好法国卫冕，「 麦包」（安巴比）肯去波就好啲，不过其实最劲应该都系基斯文同宾斯马，觉得今届会有惊喜。」说到神射手心水，他觉得美斯固然是一个好选择，但更认为金靴奖最大可能由名气不大的球员夺得。
【一生一世盃】，睇波回忆，当然可以系一生一世，本栏由笔者或被访者分享这个大赛嘅睇波难忘经历，或对今届赛事嘅睇法。
